咩叫满足感？可以令我觉得满足就系满足感咯，今晚好开心，翻到大学城，睇球协既晚会，见到好多老友，又见到陈曦，而且又有得游车河，呵呵，虽然有D无奈。
      同广才倾开一个话题，我话用折中既办法，整两个版本，见人讲人话，见鬼讲鬼话，跟住广才就话，呢D唔系我地大3既时候就可以林到嘎，我突然间觉得有D抖震既感觉，系喔，想当年我地大3既时候几正直啊，从来都唔会林投机取巧既办法嘎，但系我出来社会之后居然甘快就变得世故啦，系我适应能力强定系社会现实太残酷呢？唉，唔林啦，顺其自然啦，适者生存嘛。
      另外，我今晚又可以同距一齐啦，我地返程既时候被逼游车河啊，行错左两次路，睇黎距晒左唔少汽油啦，先系出大学城行错左去番禺既方向，去到七星岗调头，跟住又错过左一个出口，结果行埋丫髻沙大桥，去到东沙开发区先有得掉头，唉，比平时我开车翻屋企用多左成倍时间啊，不过我今晚有一种幸福既感觉，坐系自己中意既人车上，系狭小既空间里面只有我地两个，系真正只属于我地既时间同空间，可以好自然甘倾计，倾下工作，倾下感想，倾下过去，感觉好幸福啊。虽然无可能，不过做朋友都唔错吖，做一世既朋友都无所谓。
      原来我系一个容易满足既人啊～